Siunissaq tunaartaralugu pilersaarutit

NORA-p siunissaq tunaartaralugu pilersaarutaa 1. januar 2012 aallarneerneqarpoq. Ukiuni tallimani - 2012-2016 - pilersaarutit suleqatigiiffiup anguniagaanik pingaarnerusunik qitiutinneqartussanillu tikkuussisuuvoq, tassaallunilu annertuumik piareersarneqarsimasoq, 2009-p naalernerani OECD Territorial Review of the NORA Region-ip aallartisarnerani suliarineqalersimasoq.

NORA nunarsuup immikkoortuatut

NORA-mi nunat suleqataasut tassaapput Savalimmiut, Kalaallit Nunaat, Island kiisalu Norge-p sineriaani inoqarfiit (avanaaniit Finnmark kujataanut Rogaland). NORA-mi suleqataasut sinerissani inuiaqatigiiupput, taamaammallu imartaminnut atalluinnartuullutik. Nunarsuup immikkoortuani pinngortitami pisuussutinik peqarluarpoq taamatullu avtangiisit immikkuullareqqissaarlutik. Tamakkunatigut allatigullumi nunani pineqartuni assigiiaartunik unammilligassaqarpoq periarfissaqarlunilu.

OECD najoqqutaralugu unammilligassat pingaarnerit akornanni uku pingasut taaneqassapput: 1) piujuaannartitsineq toqqammavigalugu aalisarnerup ineriartortinnissaa, 2) aningaasarsiornikkut assigiinngiiaartitsinissaq nutaaliornissarlu, aammalu 3) Nunarsuup immikkoortuata avinngarusimanera eqqarsaatigalugu tamassuma angallannikkut tikikkuminarsarnissaa.

Unammilligassat pingasut pineqartut ukiuni tallimani tulliuttuni NORA-p suliniuteqarnerani qitiutinneqarniarneqarput.

Piginnaassuseqarfiit nukittorsarlugit - aalisarneq immamilu pisuussutit

NORA-p tungaaniit aalisarnerup imartanilu pissuusutit tungaasigut suleqatigiinneq nutaaliornerlu nunarsuup immikkoortuani aningaasarsiornikkut ineriartornermut tunngaviulluinnarlutillu pingaaruteqartut. Taamaammat makku NORA-mit ingerlanniarneqarput:

• Imartani pisuussutinik ingerlatsinermi nutaaliorneq, suleqatigiinneq piujuaannartitsinerlu tunngavigalugit ilisimatusarnikkut misissuinernik aallarniinertigut ataatsimeersuarnernik, isumasioqatigiinnernik pikkorissaaanernillu ingerlatsinerit.

• Pisuussutinik atuinerup aalisarnerullu pitsanngorsarnerunissaat, kiisalu nioqqutissianik nutaanik pilersitsiortornissamut suliniutinik tapersersuinerit.

Periarfissanik nutaanik pilersitsineq - assigiinngiiaartitsineq nutaaliornerlu

NORA-p tungaaniit nutaaliorneq assigiinngiiaartitsinerlu Atlantikup Avannaani nunani qitiutillugit suliassatut isigineqarput. Taamaammat makku NORA-mit ingerlanniarneqarput:

• Nunat akornanni nutaaliorlutik suliniuteqartut nutaaliorlutillu suliffeqarfiit minnerumaat anginerumaallu, taamatullu inuit ataasiakkaat akunnerini toqqammavissanik pilersitsiortornerit, taamaaliornikkut nioqqutissiornikkut patajaatsunik toqqammaviliisinnaasut suliniuteqarnerinik ikiorsiissinikkut iliuuseqarnerit.

Nioqqutissianik nutaanik, nioqqutissiortaatsinik nutaanik, tuniniaanissanut iliuusissanut allatigullu assigiiaartitsinikkut qitiutikkusutanik tapersersuinerit.

Ungasissutsit ajugaaffigalugit - attaveqarneq attaveqatigiinnerlu

Suleqatigiiffittut suliniuteqarnermi imminut ungasinnerujussuit NORA-p tungaaniit qitiulluinnartutut isigineqarput. Nunarsuup immikkoortuani aningaasarsiornikkut attaveqatigiinnerit annertusarnissaat siunertaralugu makku NORA-mit suliniutiginiarneqarput:

• Nunarsuup immikkoortuani attaveqatigiinnerup attaveqaqatigiinnerullu tungaasigut naalakkersuinikkut -ataatsimoorussamillu - aallarniinissat toqqammavilersornissaat.

• Nunarsuup immikkoortuani imminut ungasinnerujussuit patsisigalugit aporfissat qaangernissaat anguniarlugit suliniutinik tapersersuinikkut, tassanilu IKT-mik suliniutit, angallannikkut assartuinikkullu periarfissanik ilisimatusarnikkullu tunngaveqarnissanik misissuinissat.

Siunissaq tunaartaralugu pilersaarutit 2012-2016